Generation Handball er ein stór altjóða hondbóltskapping fyri ungdómslið. Kapping er í Viborg í Jyllandi,
Danmark.
Kappingin fer fram á økinum á og rundan um Viborgstadium. Umframt hondbóltssvallir eru
strandhondbóltsvallir, sølustøð, matarstøð og annað undirhald á økinum.
Allar finalur verða spældar innandura
Lið:
Víf hevur ætlanir um at luttaka við fylgjandi liðum:
Gentur & Dreingir U11, árg. 2013 og 2014. Hesi búgva hjá foreldrum/Verjum
Gentur & Dreingir U13, árg. 2011 og 2012.
Gentur & Dreingir U15, árg. 2009 og 2010
Gentur & Dreingir U17, árg. 2007 og 2008
**Luttøkan er treytað av, at felagið fær venjarar og hjálparfólk til hvørt liðið.**
Ferðing :
VÍF skipar ikki fyri felags ferðing til og frá Viborg. Ynskiligt er, at tey, ið búgva á skúlanum, eru har
sunnukvøldið 28. juli. Um tað ikki liggur fyri, so er seinasta freist mánadagin 29. juli.
Hondbóltur í Viborg:
Innleiðandi dystir hjá U11, U13 og U15 verða spældir uttandura á grasi. Tí er tað eitt hugskot, at hesir bólkar
hava fótbóltsskógvar (gaggur) við.
Dystirnir hjá hesum bólkum eru 2 x 15 min og tíðin steðgar IKKI í hálvleikinum.
U17 spæla innandura og dystarlongdin er 2 x 20 min og tíðin steðgar IKKI í hálvleikinum.
Spælt verður við altjóða reglum, tó undantikið av, at tann ið gevur bóltin upp eftir mál, skal standa stillur.
Allar finalur verða spældar innandura.
Bólkaspælið verður leikt týsdag og mikudag og eftir hetta verða liðini býtt í A- og B-endaspøl.
Endaspølini verða spæld hósdag og fríggjadag. Øll lið spæla dystir í øllum førum fýra dagar.
Finalurnar verða spældar leygardag.
Strandarhondbóltur
Strandarhondbólturin er ein kapping, ið koyrir fyri seg sjálva, frá mánadegi til og við fríggjadag.
Kappingin er skipað soleiðis, at vinnarin kemur víðari og taparin fer úr kappingini.
Dystirnir verða leiktir á kapingarøkinum, har tríggir strandhondbóltsvallir eru tilgjørdir.
U11, U13 og U 15 spæla 1 x 11 min og ein dómari dømir dystin.
U17 spæla 2 x 9 min og tveir dómarar døma dystin.
Strandarhondbóltur verður spældur eftir øðrum reglum enn vanligur hondbóltur. Leikarar verða kunnaðir
um hetta áðrenn, vit fara úr Føroyum.
Bóltastøddir:
– U11 spæla við std. 0 (46-48 cm)
– U13 spæla við std. 1 (50-52 cm) u/harpiks.
– U15 spæla við std. 2 (54-56 cm) við harpiks.
– U17 gentir spæla við std. 2 (54-56 cm) við harpiksi.
– U17 dreingir spæla við std. 3 (58-60 cm) við harpiksi.
Kostnaður:
Endaligi kostnaðurin er ikki ásettur enn, men verður væntandi klárur í desembur 2023. VÍF skipar ikki fyri
felags innsavnan, men tað stendur hvørjum liði frítt at skipa fyri einari innsamling, um tey hava hug til tess.
Gisting í Viborg:
Vit búgva á VIA University College, Prinsens Alle 2, 8800 Viborg. Hetta er sami skúli, sum vit gistu á í 2022.
Leikarar, venjarar og liðleiðarar búgva á skúlanum. (undantikið árg. 2013 og 2014).
Uppgávan hjá venjarum og leiðarum:
Áðrenn vit fara til Viborg:
– Hava samskifti við liðið/foreldur, so boð um túrin koma á rætt stað.
– Venjing fram til túrin
– Saman við felagnum at tryggja, at hvør spælari hevur 2 x spælaratroyggjur og 2 x shorts til túrin.
– Liðleiðarin hevur plástur, tape og harpiks klárt.
Í Viborg:
– Liðleiðarin/venjarin svevur saman við liðnum í eini floksstovu.
– Geva leypandi kunning um nær matur er, nær og hvar dystir eru og um møtitíðir.
– At leikarar hava alt við til dystir s.s. klæðir, dunk o.s.v.
– Um neyðugt, so minna sínar leikarar á:
o At halda sína floksstovu ruddiliga
o Vaska og turka spælaraklæðir
o At fara væl um og skikka sær pent
o At halda reglurnar á skúlanum
o At vísa vanligan fólkaskikk og lurta eftir venjarum og liðleiðarunum úr felagnum, sjálvt um
tey varða av einum øðrum liði.
Telefon:
Tað er loyvt at hava telefon við undir egnari ábyrgd. Venjari/liðleiðari kann áseta avmarkingar fyri
telefonnýtslu s.s. undir dystum, til onnur tiltøk og eftir at friður skal vera á skúlanum. Hesar avmarkingar
skulu fylgjast.
Tað er altíð møguligt at fáa fatur á einum venjara ella liðleiðara umvegis telefon.
At hava við:
– Pass og bláa kortið (ferðatrygging)
– Vatndunk
– Handklæðir (helst 2 stk.)
– Neyðugan heiligvág
– Toilettgreiðir.
– Sólkrem og aftersun
– Skiftiklæðir
– Regnjakka
– Hondbóltsskógvar
– Gaggur
– Svimjiklæðir
– Hondbólt
Er eitthvørt við barni tínum, sum venjarin/liðleiðarin skal vita, so boða frá hesum áðrenn túrin.
Meira kunning sæst eisini á www.generation-handball.com
Fyrireikarirnir.