Dreingir 14b høvdu eitt sera gott kappingarár og vunnu allar sínar 12 dystir í FM-kappingini.
Ein heldur margháttlig klaga hevði tó ta avleiðing, at teir blivu dømdir at tapa tveir spældar dystir, og endaðu tískil á einum øðrum plássi í FM-kappingini.
VÍF helt tó at teir høvdu betri uppiborið og valdu at prenta okkara egnu gullmedaljur, sum kunnu minna dreingirnar á eitt sera gott kappingarár 2018/2019.
Hósdagin 16. mai vórðu medaljurnar handaðar uttanfyri Disvoy, har liðið hugnaði sær eftir handanina.
VÍF ynskir teimum hjartaliga tillukku við flotta avrikinum.
NEVNDIN
Aftast frá vinstru: Hans Terji, Tóri, David, Tróndur, Jónas, Rúni, Andrias, Hanus og Aron.
Venjararnir Mladen Mjerimacka og Sjúrður Olsen vanta á myndini.