Ein stór og spennandi uppgáva bíðar okkara kvinnuliði, tá tær um vikuskiftið skulu royna seg ímóti Jomi Salerno úr Italia, í European Cup kappingini.
Hópurin fer til Italia í morgin, hósdag, og flogið verður umvegis Keypmannahavn.
– Hetta verður ein trupul uppgáva, spælararnir hjá Jomi Salerno eru væl hægri og tyngi enn okkara, men hetta er ein sunn og góð avbjóðing fyri okkara lið, sigur Ingi Olsen, venjari.
Bæði úti- og heimadysturin verða spældir í Salerno.
Dystarskrá:
Fríggjadagur 5. oktober kl. 18.00
Leygardagur 6. oktober kl. 17.00
Vit gleða okkum at síggja VÍF kvinnur aftur á evropeiska vøllinum og ynskja teimum bestu eydnu! 
