FM 2014 í double og mix-double: Rani vann 2 gull, Sólfríð vann silvur og Rói vann bronsu.
Vikuskiftið 22. og 23. mars var FM í double og mix-double leikt í Badmintonhøllini í Klaksvík. Av okkara leikarum úr VÍF, var tað Rani/Hans og Rói/Eli og Rani/Adya og Sólfríð /Rógvi, ið komu í endaspælið, og endaði her við at:
Double: Rani/Hans vunnu GULL,
Double: Rói/Eli vunnu BRONSU,
Mix: Rani/Adya vunnu GULL og
Mix: Sólfríð/Rógvi vunnu SILVUR.
Allir okkara spælarar kláraðu seg væl í bólkaspælinum, og Sára/Annika og Jón/Kristian vóru akkurát ov stutt til at koma víðari í millumspælinum, tó at tey leiktu sera væl.
Tað er fyri okkara yngru leikarar nakað nýtt at spæla double og mix-double, og ein avbjóðing fyri seg, men sum bólkaspæl og sosialt er sera gevandi, og sum við venjing og íðni nokk eisini framyvir gevur úrslit.
Nakrir sera spennandi dystir, og flott klárað tit øll – eisini til øll foreldrini, sum so tolin bíðaðu.
Úrslit og aðrar myndir frá kappingini síggjast á heimasíðuni www.bsf.fo.
Britta
Hesi vunnu FM-2014 í U11 mix-double:
Bjarnhild og Hans KBF silvur Adhya HBF og Rani VÍF gull Leivur og Malena KBF bronsu
Hesir vunnu FM-2014 í U11 double dreingir:
Marjus og Eiler MBF silvur Rani VÍF og Hans KBF gull Rói VÍF og Eli KBF bronsu
Hesi vunnu FM-2014 í U17 mix-double:
Dann MBF og Sólfríð VÍF silvur Kristina HBF og Rani KBF gull Dann og Ása MBF bronsu