Bæði Sunset og Atlantic skulu til Havnar at spæla Sunnudagin. Bæði liðini spæla á Hálsi móti Neistanum.
Seinasti dystur hjá kvinnunum móti Tjaldri vísti, at tað gongur framá hjá teimum. Í dag skulu tær spæla móti Neistanum, ið hevur nógv at spæla fyri. Tær skulu vinna fyri at koma í finaluna. Hetta kann føra við sær, at teirra spæl verður nervakent. Okkara kunnu spæla frítt, og hetta kann føra við sær ein sera spennandi dyst. Dysturin er kl 14.30.
Mennirnir spæla eisini móti Neistanum. Neistin er komin í finaluna, meðan vit enn kunnu náa tað. Fyri at náa finaluplássi, mugu okkara menn fáa stig í vikuskiftinum. Hetta letur seg væl gera. Tó skulu okkara menn hava ein góðan dag. Eisini hevði góður uppbakningur frá Vestmannaáskoðarum gjørt góðan mun. Hetta plagar ikki at mangla, tá vit spæla í Havn. Mansdysturin byrjar kl 16.00.