Sunnudagin 27. november varð útsetti dysturin í Sunset deildini millum VB og VÍF leiktur í Vági. VÍF kvinnurnar byrjaðu væl aftur hesa ferð. Men so dróg VB frá VÍF. Eftir eitt ”time-out” kom VÍF tó aftur inn í dystin. Tá fyrri hálvleikur var hálvrunnin var støðan 7-6 til VB. So fór VB aftur avstað og gjørdist støðan 14-7 til VB. Men VÍF svaraði aftur og komu uppá 15-11 til hálvleik.
VÍF fekk eisini fyrsta málið í seinna hálvleiki. Men 10 minuttir inn í seinna hálvleik fór VB í gongd. Í tíðarskeiðinum frá 10. til 20. minutt vann VB 10-0, og vísti máltalvan tá 29-14 til VB. Og so gekk slag í slag, og vann VB ruddiliga 33-16.
VÍF fekk bert 5 mál í seinna hálvleiki. Málverjin hjá VB Jurga spældi ein branddyst í málinum fyri VB.
Næsti dystur hjá VÍF kvinnunum verður í Vestmanna leygardagin 3. desember kl. 14.00 móti VB.