Víf vann mikukvøldið á Team Klaksvík. Tað var ikki væntandi, at dysturin skuldi blíva spennandi. Víf legði seg framum beinanvegin, og tá fyrri hálvleikur var hálvrunnin var støðan 10-4. hesin munur helt sær allan fyrra hálvleik. Víf var einaferð á odda við 10 málum, men tá liðini fóru til hálvleiks var støðan 20-13.
Seinni hálvleikur byrjaði tamt. Liðini spældu ikki við serliga nogvari ferð. Mitt í seinna hálvleiki, vóru vit aftur komnir 10 mál framum. Eftir hetta settu vit eitt sindur meira ferð á, og vunnu vit til endan við 16 málum 40-24.
Mest sjónligu menn á vøllinum vóru Andrias Eriksen hjá VÍF, og Hanus Norðberg hjá Team Klaksvík. Teir fingu 11 mál hvør.